La pruma monografia soura i Ladins dles Dolomites per franzesc é vegnuda publicheda

Les Dolomites, i creps spetacolars y imprescionanc dla Talia dl Nord, dal 2009 encà scric ite tla lista dl Patrimone natural dl’Umanité dl’UNESCO, é ence la patria de n pice popul autocton tres ciamò puech conesciù tl’Europa: i ladins.

Descendenc di Romans che à concuisté chesta pert dles Alpes tl prum secul dant Gejù Crist, à i ladins messù cialé pro che si teritore y numer é vegnù tres plu pice tratant i secui. Despartis dal Medieve encà da si “fredesc”, i rumanc di Grijons y i Furlans dl Friul tla Talia nord-orientala, é i ladins, con dut che ai é demé 32.000 y perchel una dles plu piceres mendranzes dl’Europa, stés bogn da mantegnì fina al didancuei si lingaz y sia cultura, arichis dal contat con les gran cultures todescia a nord y taliana a sud.

I ladins à tegnì bot ai tentatifs de germanisazion y de talianisazion y ai à souravit i spavenc dla Pruma vera mondiala y i tentatifs de despatriazion de Hitler y Mussolini. Vegnus fora de chestes esperienzes y dilan a si suzes economich, à i ladins svilupé deplen sia identité, ruvan a ester al moment una dles pueces mendranzes dl’Europa che cresc.

Chest liber é l prum per franzous che ti é dediché ad ei.

Brosciura, format 12,5 x 19 cm, 320 plates + XVI plates con ilustrazions a colours fora dl test, ilustrazions blanch y fosch, bibliografia, enjontes, chertes geografiches.

ISBN: 978-2-910878-47-4 ISSN: 1951-5790 Priesc: € 18