Paul Videsott à tout pert a la Université da d'isté de Bálványos a Băile Tușnad / Tusnádfürdő.

L'autonomia pó acontenté i bojegns dles mendranzes, y mendranzes contentes ne gauja nia conflic

L'autonomia pó acontenté i bojegns dles mendranzes, y mendranzes contentes ne gauja nia conflic - chesta é steda la conclujion dla discuscion sun l tema di derc y di conflic dles mendranzes tl'Europa, organiseda tratan la Université da d'isté de Bálványos (Tusványos) a Baile Tuşnad/Tusnádfürdő, tla Romania, en juebia ai 24 de messel 2025. Sce les mendranzes vegn tratedes sciche partner al medem livel dala maioranza, deventála zitadins fedei che contribuesc al svilup dla region, dl paisc y dla sozieté. Sce ai vegn dal'autra pert tratés sciche zitadins de seconda categoria, resta la poscibelté de conflit tl aier, á splighé en gaujion dla discuscion l president dla FUEN y deputat dl Parlament Europeich Vincze Loránt@. I partezipanc é stés a una che les mioures soluzions per evité conflic é formes de autonomia aladò di debojegns dles mendranzes. Paul Videsott, diretour scientifich dl Istitut Sudtiroleis di Grups Etnics, á confermé chest presentan i resultac de sies inrescides.