Paul Videsott rejona a Bruxelles soura la digitalisazion dl ladin

Con l contribut “Minority languages and digital world: the experience of the Ladin user interface” à Paul Videsott tout pert a la manifestazion Regional and minority languages. Game change in the conventional digital world?, metuda da jì da la Raprejentanza dl'Euregio Tirol-Südtirol-Trentin en gaujion dl Di europeich di lingac a Bruxelles. L seminar, a chel che al à ence tout pert danter l auter Lórant Vincze, president dla FUEN, Tarja Turtia dl'UNESCO y Kevin Chan de Meta, y ence l diretour dl Departiment Formazion y Cultura ladina André Comploi, y olache al à rejoné esperc de linguistica y tecnologia da Paisc sciche la Nueva Zelanda, l Messich, l Canada y l'India s'à conzentré sun doi temesc prinzipai. L prum ova da fé con les tecnologies digitales, che pó fé vedei l'adoranza y la renasciuda di lingac regionai y de mendranza tl mond d'aldidancuei orienté a la tecnologia. L secont tema ova da fé con l impat cultural dl'intelienza artifiziala (IA) y dles ressourses digitales sun la promozion dl patrimone linguistich, la trasmiscion de chest savei danter les generazions y l'identité culturala.